لما الظلام ابتدا بلّش طريقي يلين
رنت حروف الغزل بجهاز محمولي
حامل مشاعر أمل لقلوب جوعانين
حيثو كلامي عسل بالحب مجبولي
دقيت نمرة غلط راحت على فلسطين
ردّت صبيّة بحلا كلمات معسولي
قالتلي مينك انت من وين جاي الحين
قلتلها شاعر زجل بالأصل معلولي
قالت مرادك مطلبك دون جيم وسين
وانت كنت ناوي الستر عا خير مأمولي
قلتلها قلبي ولع نظرات مشتاقين
ع السمع فكري اشتلق تا صار مَوصولي
جبل الوداد انوصل طالب طريق الدين
إجمع وليفة سَمَر تا كون مسؤولي
تا تعم الفرحة عمر بقلوب فرحانين
ونعيش تالي الزمن بأمور مقبولي
معلول: بلدة فلسطينية مهجرة
الشاعر محمد علي الصالح (أبو إلياس)
تعليقات الزوار